Unti-unti nang nagdi-diminish ang aking blogging capabilities. Dati, late posting na sa akin ang "Grabe the week that was," samantalang ngayon, simula pa lang ng pagkekwento ko ang "Grabe the month that was." I want my blogging life back! Ang arte arte ko. hahaha.

This past month, sunud-sunod ang aktibidades namin ng CX chuvas. Actually, nagsimula yan noong November 29, nung may coup-in-the-making sa minamahal naming Peninsula Manila. Supposedly, pupunta kami ng officemates ko sa Global Carnival o kaya manonood ng Pasukob. Ngunit, subalit, datapwat, panira ng lakad itong si Trillanes. Pero walang panga-panganib sa taong gustong maglimayon! Binalak pa rin naming mag-MoA talaga nun, kaya lang, walang masakyan tapos biglang napabalita na may curfew ng 12am-5am. Yun naman. Eh kung bigla kaming hulihin ng pulis tapos mapagtripan ng manyak sa loob ng kulungan?! Aba, unglamorous. And very Dekada '70. Ayoko naman ng ganun! For that, nag-dinner na lang kami sa North Park. Seryosong lungkot na lungkot ako nun. Isipin mo naman, mula sa planong extreme rides o kaya all-star comedy movie, eh nauwi kami sa pagkain ng noodles. But since we were so happy together anyway, we settled for hot soup on a cold night. Ang arte.

Hemmingway, ang ending nyan eh nag-sleepover na lang kami kina Marie. Pagdating doon, kumain pa kami ng half gallon ng ice cream. HAHAHA. Kelangan may ice cream kasi nga slumber party mode kami nun. Para kaming Spice Girls plus Robee, at kulang na lang eh pillow fight at kulutan sessions. (Sorry kuya, girl thing.) Ang cute cute lang, kahit nagkapasa yung tuhod ko dahil ang awkward ng pwesto ng aking pagtulog.



Slumber parteeee.

Yung mga sumunod na linggo diyan eh araw-araw na ang practice namin para sa Christmas parties ng December 7 and 15. Hindi na ako naka-uwi nang may sikat pa ng araw. Gabihan kung gabihan, pero fun. Parang gumagawa lang ng project. hahaha. So Dec 7 was the dept party and Dec 15 was the company party. Nung Dec 15, nako ayan na. Tinablan ako bigla ng kaba at hiya dahil nga may moment ako sa performances namin. For more, diba nga, I don't dance? Basta ang medley namin ay Sister Act - Men In Black - The Way I Are - Palibhasa Lalake - Papaya - Jumbo Hotdog - Rock this Party. Kayo na ang mag-imagine. hahaha.

At sa dalawang Christmas parties na yan, todohang puyatan kami. Magmi-meet sa umaga, sabay-sabay tutungong office, tapos gising hanggang madaling araw. Umeffort daw ba? At grabe, sa lagay na yan, kelangang full of energy pa rin kami para hindi naman kahiya-hiya pag may presentation. Ang hirap maging bibo kid!

Nung Dec 7, sleep over ulit kina Marie. Eh may pasok kinabukasan.... ayun late kami! Past 2am na yun eh, alangan namang umuwi pa ako. Edi lalo akong na-late sa pasok dahil pag lumapat ang likod ko sa sariling kama, nako, 6 hrs ang minimum na tulog ko dyan. Nung Dec 15 naman, todohan, talagang galit ang eyebags ko! Ikaw ba namang almost 24hrs nang gising eh. Pero since Saturday naman yun, ok lang umagahin. Ano namang sabi ng uwi kong 4:30 am? hahaha. At binold ko talaga. Wag mag-alala, with parental consent yan.



Samahan nyo kami sa enchanted forest. Mamulot tayo ng flowers.

Ang sakit ng mukha ko talaga nung araw na yon. Feeling ko magdamag na akong tumatawa at ngumingiti para sa pictures kaya hirap na hirap na ang facial muscles ko. Ang eyebags, hume-hello na rin sa madla. Salamat sa face paint, medyo na-conceal pa sila. Pero kahit pagod, sobrang saya. Very TGIS nga yung Christmas party moments eh. hahaha. May sayawan, may di na makalakad dahil sa katipsyhan, at ahem... may nag-propose! Grabe, teen flick kung teen flick.



Naku si Yvette, nakainom lang ng konti, humahalik na sa trapal.



Bakit, bawal bang pumosing?!

Kaya pag-uwi ko nun ng 4:30am (na btw, sarado na pala yung mga daanan pauwi sa amin maliban sa Admin) bagsak na ako sa kama, tapos around 3pm ng Sunday na ako bumangon. I'm telling you, ang sarap ng feeling. hahaha. Yun nga lang, feeling ko hindi pa rin ako nakakabawi ng tulog.

For that, paalam na muna, magtutulog ako.

So after ng December moments namin, next year, movie madness naman! woohoo!