This past week, wala na akong ginawa kung hindi kumain. Ok sige, the past three weeks yata, puro kain lang. Ngayon lang ako natakot tumuntong sa weighing scale. Mabuti, itinabi ni Mudra ang weighing scale namin kaya next time ko na lang siya kakaharapin pag feeling ko napagpag na yung mga pinagkakain ko nung mga nakaraang linggo. (Pero parating pa ang birthday week namin, Christmas parties, tapos Pasko, New Year...)


Monday night last week was Gaor night.... and it was celeb night as well.

Nag-meet kami ng Mean Girls sa Gateway para sa last supper ng aming beloved Gaor na lilipad na papuntang Dubai upang mag-igib ng petrolyo. Nauna kaming magkita ni Gaor, at dahil wala pa sina Shin, Agatha, at Leng, naglibot muna kami.

Celeb encounter 1: Carlene Aguilar. Kararating ko lang sa food court ng Gateway kung saan kami nag-meet. Ilang saglit lang ng pagchichikahan, bigla kong nakita si Carlene Aguilar. Aba aba! Mainit-init pa yung Christine-Dennis issue eh naglilimayon na ang Mother Carlene. Pero kebs sa isyung yan. Maganda pa rin naman si Carlene. Malaking tao nga lang talaga.

Celeb encounter 2: James Yap. Naglilibot kami ni Gaor tapos nakita ko si Yap na paakyat ng escalator. (Teka, nahanginan ako ng kabobohan bigla. *evil laugh*) Ang hirit ni Gaor -- "Tara, sundan natin, landiin natin!" Bentang-benta sa akin yon! Edi sinundan nga namin. Pag-akyat namin sa kung saan mang floor ang Super Bowl, ang daming tao. Which lead to our...

Celeb encounter 3: Kris Aquino. Why not, diba? James Yap SHALL always be seen with Kris Aquino. If he's not with her, he must be at home, nakagapos sa loob ng cabinet. May shooting ekek yata sila doon, eh hindi ko na binigyang-pansin.

Dumiretso na lang kami ni Gaor sa Super Bowl para hintayin ang Mean Girls at nang may matambayan na kaming matino. Pagdating ng Mean Girls, edi lafang ever ang drama ng mga lola nyo. Tapos na-realize ko lang, pag nagkikita kami, imbes na mag-catch up with each other's lives, buhay ng ibang tao ang inaatupag namin. Kaya naman every get-together session becomes very enlightening.


Isang gabi pa lang yan. Eh nung week na 9-6 ang schedule ko, araw-araw yata, tuwing pauwi kami eh naghahanap kami ni Robee ng makakain. Si Robee -- as in yung officemate ko at hindi yung schoolmate kong ungas (joke lang, 75% meant). *malutong na evil laugh* Nakakaloka, natikman ko na yata lahat ng tinapay sa Bread Talk. Mabuti nga't may disiplina na ako at may quota na akong Php100 pag bumibili doon. Kung hindi tinapay, fries naman. Walang patawad sa carbo loading.

Tapos last week, yun ang matindi dahil birthday week ng 3 officemates namin kaya one time big time pakain. Isa si Ma'am Lea sa celebrants, eh taga-Malabon yun. Authentic pancit malabon talaga ang handa, tapos may puto at chorva pa! Kulang na lang, banderitas at palo sebo, pwede nang fiestang bayan.

For more, kina-Saturdayan, nag-meet kami ng kapwa ko probies at newly-regularized staff (lumelebel na kayo!) para magpractice ng ipe-present sa Christmas party. Edi may lunch at meriendang kasama yan! Hindi kami nakuntento, pumunta pa kami nina Aika at Robee sa UPD para mag-isaw. Shet. Isaw is love. Tambay is love. At talagang kung kelan naman graduate na ako, dun ko lang nagawa ito. With non-UP friends pa ha. (I was that dorky when I was still in school. charrs.)

At matapos ang lahat ng yan, diretso uwi para matulog.
Naku, hindi ako aabutin ng year 2008, lolobo ako nang tuluyan.