Katatapos lang ng 2-day pre-practicum seminar namin, pero hanggang ngayon, lubos na nagugulumihanan pa rin ako kung saan ko ba talaga gusto magpracticum.

Anyway, eto muna: itong araw na to ang PINAKA-enjoy na seminar na na-attendan ko sa tanang buhay ko. Bakit? Dahil speaker namin si Ms. Christine Bautista, HR Officer sa Oakwood. Ang masasabi ko lang... ang lupit nyang mang-okray! As in ibang lebel. Kasi constructive din ang mga hirit niya. I like!

Aside from her choice of words, the way she delivered her pandaraot (ok, "assessment" na lang) wasn't really harsh, pero kung iisipin mo, sagad sa buto yung tama nung mga yun. Kasi totoong nangyayari eh. Hindi lang basta side comments. Parang yung sa resume ng mga naging aplikante nila. Grabe to, ang tagal naming diniscuss yung mga baon niyang resume! (oo, nagdala talaga siya ng examples at binasa niya sa harap)

Meron siyang naging aplikanteng gwapo. In fact, eto ang achievements niya: Mr. Body Beautiful (Bora), Mr. Millennium, at iba pang byucon na panlalaki. At yes, yan ang nilagay nung aplikante sa achievements. Eh ang picture sa resume? 2R ito! GANUN KALAKI. Well, pogi nga naman daw siya. For more, 5'10" ang fafa... at ayon sa kaniya, he weighs 45. 45 what??? Hindi niya inindicate. wahaha. Pounds? Eh ilang sako ng bigas lang ang katumbas nun ah?? For more ulit, mas maganda ang naging kinalabasan ng interview ng lalakeng ito. Forever nang tatatak sa isip ko yung reenactment ni Ma'am.

Bukod pa sa mga naokray na resume: yung ginawang watermark ang grad pic, yung lightning silver ang ginamit na papel w/ matching grad pic ulit, yung ginawang menu ang resume dahil F&B ang ina-applyan, yung matandang aplikanteng nangongonsensya dahil baka maghirap daw ang anak niya pag di niya nakuha ang trabaho (w/ matching exclamation point overload).... kinwento rin niya samin kung paano ba dapat ang grooming. From head to toe, may comments si Ma'am. Pero siyempre, sabi pa niya, we had to admit that looks do matter. At dito na niya pinuna ang mga problema sa balat. Ayun na... andaming tinamaan. Stop me!

Grabe... dahil sa kanya, parang gusto ko na magtrabaho sa HR dept. ng hotel. Parang nakikita ko ang sarili ko na ganun din ang ginagawa. wehehehe. Parang nakikita ko ang sarili ko na after some years' time, "Okrayable Resumes" na ang fini-feature ko dito sa blog. Pero naguguluhan pa rin ako.

KAYO... sa tingin nyo, saan ba mas magandang mag-practicum: sa Airlines o sa Hotel? Monday na ang pilian. huhu. Saan nyo ba tingin na mas ok ako? Saan ba mas maraming slots? (ayoko kasi mapunta sa latak, 5 units to!)

(may reklamo ka sa title ko? wag ganun, blog ko to eh.)

Simpleng Balahuraan has been stagnant and nilalangaw for quite sometime now. Even its layout theme is already oudated kaya buti na lang maganda ang Corpse Bride (may VCD na ba?). I've been I am very busy with my T175 (trabaho na ata ito eh, pasweldo na lang ang kulang!) and other acad stuff, which, by the way, get piled up day after day. Yet I keep bumming around, wasting time on neopets, and taking naps in the late afternoon. After over a month of living the buhay baboy, tingnan natin kung di kami magkapalit ng katawan ni Leleng.

Anyway, gusto ko lang magparamdam senyo. By monday, may new okrayable profile na ako courtesy of... itago na lang natin siya sa pangalang "Alex" (baka kasi ayaw mo magpakilala, sabihin mo lang!).

At grabe, ngayon lang nagsi-sink in sa akin na malapit na talaga ang practicum at wala pa rin akong susuotin. For more, habang tina-type ko tong resume ng friend ko, nalulungkot ako dahil wala akong mailagay sa extra-curricular activities at wala akong maisip na skills and interests ko! Alangan namang ilagay ko dun ay "okraying," diba? Isipan nyo nga ako ng ilalagay.

Ayun, nanggaling nga pala kami sa Planetarium kahapon ay may nakasabay kaming group of elem students na may sariling version ng Maximo Oliveros. Tuwang-tuwa ako sa kanya. hahaha. Nag-e-Ever Bilena pa!

And to add to this entry's incoherence, gusto kong ipaalam na kauuwi lang nina tatay at kapatid galing BSP camping. Naiinggit ako. huhuhu. Namimiss ko ang GSP days namin. GSP lang kasi ang talagang minahal kong org. Lahat kami, nagmamahalan. (ok, most of us.) Kaso, lahat kami ay walang oras magset ng reunion ng GSP All Stars. waaaaah. Di bale, after grad.

P.S. Season 3 na raw ng One Tree Hill sa ETC. Di ko pa nakikita ang teaser. Totoo ba ito? At kelan ang start ng Smallville Season 5 sa Studio 23? yamihan na naman ito.